ہزارہ پبلک سکول اینڈکالج چھانگامانگا: دورہ پنجاب اسمبلی

دورہ پنجاب اسمبلی

ہزارہ پبلک سکول و کالج کے طلبا و طالبات نےپنجاب اسمبلی لاہور کا دورہ کیا۔ بچوں کا سپیکر پنجاب اسمبلی جناب رانا محمد اقبال خان نے اسمبلی فلور پر استقبال کیا۔ راو سلمان خان میو نے بچوں کے پنجاب اسمبلی دورے کے انتظامات کیے۔ بچوں کو اسمبلی ہال کا دورہ کرایا گیا۔ اور انہیں ایم پی ایز کی نشستوں پر بٹھایا گیا۔ بچوں کے لیے یہ ایک یادگار دورہ تھا۔ یہ دورہ ہماری سماجی تعلیم مہم کا ایک حصہ تھا۔

انتظامیہ

وقاص احمد خان ہزارہ پبلک سکول اینڈ کالج کے ڈائریکٹر ہیں۔ وہ یونیورسٹی آف مینجمنٹ اینڈ ٹیکنالوجی میں پی۔ایچ۔ڈی سکالر ہیں۔ اس سے پہلے انہوں نے کوالٹی مینجمنٹ میں ایم فل اور اٹینیو ڈی منیلا یونیورسٹی فلپائن سے پراجیکٹ منیجمنٹ میں ڈگری حاصل کر رکھی ہے۔اس سے پہلے وہ گوہر پبلشرز پاکستان میں بطور کنٹری مینجر، وزیراعلی ٹاسک فورس برائے انسانی حقوق میں بطور صوبائی رابطہ کار، سینٹر برائے سوک ایجوکیشن پاکستان میں بطور رابطہ کاررہ چکے ہیں۔ انہوں نے پاکستان کے تمام صوبوں بشمول آزاد جموں کشمیر، گلگت بلتستان، قبائلی علاقہ جات میں قصبوں اور دیہاتوں میں کام کیا ہے۔ انہوں نے سارک مینجمنٹ سیمینار دہلی،بھارت 2006، عالمی کانفرنس برائے ترقی انفارمیشن ٹیکنالوجی منیلا فلپائن 2007، عالمی کانفرنس برائے مذھب و میڈیا تہران ایران 2009 اور علاقائی کانفرنس برائے وفاقیت کھٹمنڈو ، نیپال 2011 میں پاکستان کی نمائندگی کی۔

مزید پڑھیں

سکول کا تعارف

زرینہ مظفر ٹرسٹ نے ہزارہ پبلک سکول کے نام سے ایک تعلیمی ادارے کی بنیاد 1985 میں رکھی۔ سکول کی عمارت ابتد ا میں صرف دو کمروں پر مشتمل تھی۔ لیکن جلد ہی غیر معمعولی تعلیمی نتائج اور وظیفہ ہولڈر طلبا کی کثیر تعداد کی وجہ سے حکومت پاکستان اور وفاقی وزارت تعلیم نے اس "تمغہ برائے حسن کارکردگی" سے نوازا۔ جس سے اس سکول کو ایک ملک گیر شہرت حاصل ہوئی۔ ہزارہ پبلک سکول اینڈ کالج نے اپنے 28 سالہ تعلیمی سفر میں درجنوں ڈاکٹر، انجینئر، بینکار، جج، اور سول سروینٹس پیدا کئے ہیں۔ اس ادارے کے طلبا نے اپنی قابلیت کا لوہا صرف اپنے ادارے میں ہی نہیں بلکہ ہر اس ادارے میں بھی منوایا ہے جہاں وہ اپنے تعلیمی سفر کے دوران گئے۔

سکول و کالج کی عمارت 8 کنال پر پھیلی ہوئی ہے۔ جو کہ 54 کمروں اور ایک بڑے کھیل کے میدان پر مشتمل ہے۔ ہم ہزارہ پبلک سکول اینڈ کالج میں ایک ایسا منفرد نصاب پڑھاتے ہیں جو کہ اس علاقے کے کسی دوسرے سکول میں نہیں پڑھایا جاتا۔ ہمارا امتحانی نظام عالمی معیار کا ہے۔اور ہم نہ صرف طالبعلم کی کارکردگی کا ہمہ پہلو جائزہ لیتے ہیں بلکہ اس کارکردگی کہ ماہانہ رپورٹ والدین کو بھی روانہ کرتے ہیں۔

دورہ پنجاب اسمبلی

انتظامیہ

سکول کا تعارف

دیکھنے والے لوگ

ہم سے رابطہ

ایوارڈز

سماجی سر گرمیاں